Bakı sakini “Facebook” platformasında Binəqədi rayonu “Motodrom” yaşayış massivində içməli suyun israfı ilə bağlı paylaşım edib. O bildirib ki, üç gündür içməli su yola axıdılır.
Vətəndaş qeyd edib ki, bununla bağlı aidiyyəti quruma müraciət edilsə də, reaksiya verilməyib.
Sözügedən görüntünü təqdim edirik:
Məsələ ilə bağlı Oxu.Az İri Şəhərlərin Birləşmiş Su Təchizatı Xidmətinə (İŞBSTX) sorğu ünvanlayıb.
Qurumdan cavab olaraq bildirilib ki, qeyd olunan ünvanda su xəttində axıntı baş verib:
“Hazırda müvafiq rayon sukanal idarəsinin qəza briqadası ərazidədir. Axıntının qarşısının alınması və borunun bərpası istiqamətində işlər görülür”.
Aləmdə Nəsib
