“Zirə” iki futbolçusu ilə müqavilə müddətini artırıb.
Oxu.Az-ın xəbərinə görə, bu barədə klubdan məlumat verilib.
Bildirilib ki, “qartallar” Salifu Suma və İssa Cibrilla ilə yeni sözləşmə imzalayıblar.
Yeni müqaviləyə əsasən, hər iki futbolçu 2027-ci ilin yayına qədər paytaxt təmsilçisinin şərəfini qoruyacaq.
Qeyd edək ki, İssa Cibrilla 2022, Salifu Suma isə 2023-cü ildən “Zirə”nin formasını geyinir.
