Türkiyə Superliqasının XXII turunda “Qaziantep” – “Qalatasaray” matçını idarə edən Kadir Sağlam Qaziantepdə kafeyə buraxılmayıb.
Oxu.Az “SporX”ə istinadən xəbər verir ki, təcrübəli baş hakimin oyun zamanı qəbul etdiyi qərara etiraz edən “Qaziantep” klubunun azarkeşi ədalət qoruyucusunu kafesinə qoymayıb.
Qeyd edək ki, görüş “Qalatasaray” klubunun 0:1 hesablı qələbəsi ilə başa çatıb.
Hazırda “cim-bom” 57 xalla turnir cədvəlinin vahid lideridir. Klub ən yaxın izləyici “Fənərbağça”nı 6 xal qabaqlayır. “Qaziantep” isə 26 xalla 12-cı sıradadır.
