Alimlər 10.000 il əvvəl nəsli kəsilmiş canavar növünü həyata qaytarmaqla dünyanı şoka salıblar. Lakin bu möcüzənin arxasında duran görkəmli genetik mühəndislik şirkəti bununla da dayanmır.
Lent.az xarici KİV-ə istinadla bildirir ki, ABŞ-ın Texas ştatında yerləşən “Colossal Biosciences” şirkəti daha bir neçə tarixi canlını yenidən introduksiya etmək planlarını açıqlayıb.
Firma yunlu mamont genomunu ardıcıllıqla sıralayıb və bunun təxminən 4000 ildir planetdə dolaşmayan canlıların yaxın bir neçə ildə geri qayıtması üçün əhəmiyyətli olduğunu söyləyib.
Şirkətin baş direktoru Ben Lamm bildirib ki, nəsli kəsilmiş bu növün ilk balaları yaxın bir neçə ildə doğula bilər. Baş alim Beth Şapiro deyib ki, mart ayında alimlər mamontları vəhşi təbiətə qaytarmaq yolunda ilk addım kimi “yunlu siçanlar” yaradıblar.
O deyir: “Bu, bizim üçün çox həyəcanlıdır. Çünki müqayisəli genomik yanaşmamızdan istifadə edərək müəyyən etdiyimiz genlər və gen ailələri heyvanların həqiqətən də yunlu, qızılı və daha uzun tüklərə sahib olmasına səbəb olduğunu təsdiqləyir. Biz gələcəyin mamontlarını belə yaradacayıq”.
Dodo quşları da “Colossal”ın siyahısına daxil edilib. Çünki firma muzeylərdə qorunan dodo DNT-ni genom mühəndisliyi üçün istifadə edəcəyini açıqlayıb. İkonik növlərin genetik ardıcıllığı 2022-ci ildə yenidən yaradılsa da, CEO izah edib ki, bu, quşlarda genetik müxtəlifliyin yaradılmasını tələb edir və bu, layihəni digərlərindən bir neçə addım geridə qoyur.
Dodo quşları
“Colossal Biosciences” komandası 2017-ci ildə tam genomu ardıcıllıqla sıralayıb. Lakin 2024-cü ildə 108 yaşlı qorunub saxlanmış nümunə aşkar edib və bu, tədqiqatçılara orijinal ilə 99,9% eyni olduğunu iddia etdikləri DNT ardıcıllığını təcrid etməyə imkan verib.
“Colossal Biosciences”in son uğurlarına baxmayaraq, mütəxəssislər bu prosesin nəsli kəsilmiş dəhşətli canavarın dəqiq surətini yaratmadığını bildirirlər. Yeni Zelandiyanın Otaqo Universitetinin professoru zooloq Filip Seddon onları “geni dəyişdirilmiş boz canavar” kimi təsvir edib.
Comments are closed.