Jesuş: Ronaldu olmasaydı, “Əl-Nəsr”in baş məşqçisi olmazdım

Kriştianu Ronaldu olmasaydı, “Əl-Nəsr”in baş məşqçisi olmazdım.

“Report” xəbər verir ki, “Əl-Nəsr”in yeni baş məşqçisi Jorje Jezuş bəyan edib.

“Səudiyyə Ərəbistanını sevirəm, bu, həm futbol baxımından, həm də futboldan kənarda gələcəyin ölkəsidir. Qayıtdığıma şadam. Burada həmişə çox xoşbəxt olmuşam. Mən həmişə qalib gəlmişəm və indi yenidən bunu etməyə çalışacağam. Onun dəvəti olmadan mən burada olmazdım. Ronaldu hər yerdə hər şeyi qazanan oyunçudur, amma Səudiyyə Ərəbistanında titulu yoxdur. Görək bu il ona kömək edə biləcəyəm? Biz eyni dildə danışırıq, hər şey asan olacaq. Kriştianunun mənə təqdim etdiyi sınaqdan imtina edə bilməzdim”, – deyə Jezuş bildirib.