Rubio: Kamboca və Tailand arasında atəşkəs üzrə danışıqlar tezliklə başlayacaq

ABŞ dövlət katibi Marko Rubio bildirib ki, Malayziyada Kamboca və Tailand arasında atəşkəs üzrə yüksək səviyyəli danışıqlar tezliklə başlayacaq.

“Report”un “RİA Novosti”yə istinadən məlumatına görə, o, bu barədə X sosial şəbəkəsində yazıb.

“Kamboca və Tailand dərhal atəşkəsə nail olmaq ümidi ilə tezliklə Malayziyada yüksək səviyyəli danışıqlara başlayacaqlar”, – məlumatda deyilir.

Rubionun sözlərinə görə, ABŞ Dövlət Departamentinin əməkdaşları artıq danışıqlara kömək etmək üçün Malayziyadadırlar.