Türkiyədən Monqolustana piyada səyahət edən türkiyəli yutuber Oğuzhan Tıraşın Azərbaycandan keçərkən Gəncədə uşaqlarla səmimi söhbət etməsi maraqla qarşılanıb.
“Qafqazinfo” xəbər verir ki, o həmin anın görüntüsünü “Yırtık pantolon” adlı sosial şəbəkə hesabında paylaşıb.
Görüşdə azyaşlıların yutuberə qayğı göstərməkləri diqqət cəlb edib. Belə ki, uşaqlar ondan su, yemək və pulunun olub-olmadığını soruşublar. O. Tıraş su üçün onlara pul təklif etdikdə isə uşaqlar “siz bizim qardaşımızsınız, pulsuzdur”, – deyə bildiriblər.
Bundan sonra onlar əllərində Azərbaycan bayrağı ilə “Şəhidlər ölməz, vətən bölünməz”, “Türkiyə-Azərbaycan” kimi şüarları səsləndiriblər. Tıraş uşaqların səmimi olduğunu və bu qədər kilometr yol qət etdikdən sonra eyni dildə danışa bilməyin xoşbəxtlik bəxş etdiyini deyib.
Qeyd edək ki, Tıraş səyahətinin 38-ci günündə Ağstafanın Eynallı və Köçəsgər kəndlərindən də videolar paylaşıb. O, yolboyu şəhid şəkillərinin qoyulmasına diqqət çəkib.
Həmin videonu təqdim edirik:
Mənbə: Qafqazinfo.Az
Comments are closed.