“Elə bil, bomba partlamışdı” – Zabratdakı qəzanın görüntüləri

Xəbər verdiyimiz kimi, Sabunçu rayonunun Zabrat qəsəbəsində ölümlə nəticələnən ağır yol-nəqliyyat hadisəsi baş verib.

“Qafqazinfo” xəbər verir ki, ərazidə yaşayan şəxslər hadisəyə yüksək sürətin səbəb olduğunu deyir:

“VAZ 2107” yuxarıdan işıq yandırmadan gəlib. “Toyota Prado” isə işıqforda yaşıl işıqdan keçən zaman onu görməyib. Maşın çox yüksək sürətlə gəlibmiş”.

“Yer bütün zir-zibil idi. Elə bil, bomba partlamışdı. Çox pis qəza olub”.

TƏBİB-dən açıqlanan son məlumatda isə bildirilib ki, hadisə nəticəsində 5 nəfər xəsarət alıb. Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 5 nəfər (2-si qadın, 3-ü kişi olmaqla) müştərək travmalar diaqnozu ilə Sabunçu Tibb Mərkəzinə təxliyə olunub. Hadisə nəticəsində 1 nəfərin həkiməqədər ölüm faktı qeydə alınıb. Tibb Mərkəzində zəruri tibbi xidmətlər göstərən 3 nəfər ambulator müalicə üçün evə buraxılıb. 2 nəfərin müalicəsi isə Reanimasiya şöbəsində davam etdirilir, vəziyyətləri ağırdır.

Hadisə ilə bağlı araşdırma aparılır.

Daha ətraflı “Xəzər Xəbər”in süjetində:

 

Mənbə: Qafqazinfo.Az

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More